La Balado pri Hamleto


Vortoj, muziko: Enrica Arbib kaj Doron Modan

Ĉi-kanto gajnis la unuan premion en la Belartaj Konkursoj de UEA 2005.
En la Tel–Aviva klubo ĝian prezenton sekvis tondra ovacio.


Hamleto, princo de la dana lando,
Neniam reĝe sidis vi sur tron´,
Kaj ĉio estas kulpo de l´ fantomo
De via kara patro kaj patron´.

Via patro diris: "mia frato metis
Venenon kaŝe en mia orel´,
Li prenis tronon kaj mian edzinon,
Adiaŭ, filo, kaj memoru min".
Hamlet, reĝido vi estis,
Hamlet, patrido vi estis,
Homido vi estis
En Danujo la land´.
Hamlet, noblulo vi estis,
Hamlet, saĝulo vi estis,
Bravulo vi estis
En Danujo la land´.
Kaj vi, kiu vivis ĉiam kiel reĝo,
Nun devis vin ŝajnigi frenezul´,
Sed tiel perdis la belan Ofelion,
Dum via ĉaso post la perfidul´.

Batalis vi kun malfeliĉaj pensoj,
Kiuj vin pelis preskaŭ ĝis la mort´,
Sed pro perfidoj en la reĝa korto
Vin trafis fine la kruela sort´.
Hamlet, amanto vi estis,
Hamlet, ŝatanto vi estis,
De justa moralo
En Danujo la land´.
Hamlet, soldato vi estis,
Hamlet, korbaton vi spertis,
Kaj venĝon promesis
En Danujo la land´.